一直久仰季季紅蝦禾米乳香豬的大名，同事於藍地老店吃過都大讚。
苦侯多時始終未有機會。正當快要遺忘此事時，收到公關的邀請到灣仔店一嚐生日豬！
正！真係約都無咁岩呀！哈哈哈！
一去到已見酒樓人聲沸騰，好熱鬧啊！被安排到貴賓房中，遠離出面的喧嘩。
急不及待想見見今日的主角，等了你很久啦～～～～～
蝦禾米乳香豬
燒豬食得多啦！戴左生日帽同埋插住蠟燭既你又食過未呀？十欣佩服店方諗到呢個gimmick，生日除左生日蛋糕外，生日豬都係一個不錯既選擇。
而且選擇乳豬仔都有講究的，特意選用不到20日大的，貪佢脂肪唔多，細細隻，份量岩岩好！
吹過蠟燭，師傅用純熟既剪功將佢剪件，方便各位食用。乳豬仔裡面塞滿左混合蝦米炒香既米飯，上檯時香噴噴，而且賣相真係唔錯！
我都唔執輸拿拿林裝返碗先，乳豬皮非常香脆，而且真的脂肪唔多，就算on diet都可以食多幾件件！米飯略嫌唔夠入味，而且偏硬，食左一碗都飽飽地了。
豬肺頂蝴蝶腩燉菜膽湯
呢個湯要大力推介！凍凍地飲返碗熱騰騰既湯，真係暖到入心。而且飲一啖就知足料無呃砰。飲完一ｄ口渴的感覺都無，絕對不是味精湯！
南非冰玉鮑魚
飲完熱湯，即上個冷盤。熱鮑魚就食過，凍食既真係第一次。鮑魚既鮮味唔算非常突出，配上醬油同wasabi，刺身食法。而西蘭花都是意想不到的凍冰冰，感覺還蠻特別的。
古法炆頭腩
自己對魚並沒有太大的興趣，反面喜愛旁邊的豆卜同冬菇等配料。哈哈！味道較濃，很不錯，做得很入味，豆卜吸收哂所有精華，十分滋味。
鬆子桂皇球
這個賣相紅紅綠綠的，相當吸引，嚐了嚐醬汁，味道酸酸的，開胃之選。吃了少許魚肉，個人感覺有點腥，但愛吃魚的友人卻讚不俗呢。
蟹肉扒麥菜芯
清清淡淡的，感覺還不錯，鋪了蟹肉上面，頓時增加鮮味。食左咁多肉，係時候食返ｄ菜清下啦。
芝士焗爽蠔
這個一開始是滿心歡喜的期待啦，怎知上檯時看看賣相，都不像有焗過的痕跡，在只是將芝士汁倒上面，不過喜愛芝士的我還是覺得可以接受的。
砂鍋頭抽雞
看樣子已覺得很入味呢，而且雞肉還尚算滑，出街食飯最怕食到非常鞋口的雞肉，絕對令我對餐廳大大扣分。
馬拉千層糕
熱騰騰的上檯，顧不得燙手燙咀，立即拿了一塊放入口中，還蠻鬆軟的啦。但我期待的是有奶黃夾在中間的，不過吃完鹹點再來個甜點，還是可口的。
宮廷桂花糕
這個吃的時候要非常小心，因一夾就散。但味道還是不錯的，桂花十分清香，不太甜，為此晚宴畫上完滿的句號。
今晚終於可以一嚐季季紅ž蝦禾米乳香豬，賣點非常突出，而且店方更準備了生日帽等的裝飾予一眾食客，的確細心，渡過了一個愉快的生日會。
環境：4
服務：4.5
味道：4
價錢：4
餐廳資料
季季紅風味酒家
地址：沙田大涌橋路20-30號河畔花園33號地下及1樓
電話：2383 8989
正
